Asuncion Klinikak bere jasangarritasun-eredua aurkeztu du ASPEren jardunaldi nazionalean

Joan den ostegunean, gure Komunikazio Zuzendaria den Regina Martínez Idarretak parte hartu zuen Madrilen ospatutako “Jasangarritasuna osasun-ingurunean” izeneko jardunaldian, ASPE (Espainiako Osasun Pribatuaren Aliantza) eta Fundación Global Salud-ek antolatua.

Ekitaldian ospitale pribatuetako ingeniaritza-, jasangarritasun- eta kudeaketa-arduradunak bildu ziren, osasun-eredu eraginkorrago eta ODSekin (Garapen Jasangarriko Helburuak) bat datorren baten aldeko estrategiak partekatzeko. Jardunaldian zehar, funtsezko gaiak jorratu ziren, hala nola energia-eraginkortasuna, hondakinen kudeaketa eta mugikortasun jasangarria.

Asuncion Klinikaren izenean, Regina Martínezek erakundearen aurrerapenak aurkeztu zituen jasangarritasunaren arloan, honako puntu hauek nabarmenduz:

• Energia-kontsumoaren %20ko murrizketa.

• Energia berriztagarrien erabilera, hala nola biomasa eta eguzki-energia.

• Historia klinikoen digitalizazio osoa.

• Mugikortasun-plan berria eta teleerrehabilitazio-programa martxan jartzea.

  
  

Parte-hartze honek berresten du Asuncion Klinikaren konpromisoa osasun-eredu berde, berritzaile eta arduratsuago batekin.