J.M. Iparraguirre zentroko Erizaintza Laguntzaileko ikasleek esker ona adierazi diote Asuncion Klinikari harrera eta ikaskuntzagatik

Larrialdi, Ospitaleratze eta Kirurgia zerbitzuetan praktikak egin ondoren, Erizaintzako Zainketa Osagarrietako Teknikari (EZOT) ikasleek balorazio positiboak helarazi dituzte. Ikastetxeak Klinikako profesionalek prestakuntza-esperientzia kalitatezkoa bermatzeko egindako "ahalegin gehigarria" azpimarratu du.

Irakaskuntza-lankidetza Asuncion Klinikaren izaeraren parte da. Berriki, J.M. Iparraguirre zentroak bere ikasleen lekukotzak partekatu ditu gure zerbitzu asistentzialetatik igaro ondoren. Balorazio guztiek bat egiten dute ikaskuntza-prozesu honetan bidelagun izan dituzten lantaldeen giza kalitatea eta gaitasun teknikoa nabarmentzean.

"Operazio-gela engranaje bat da, non denek sintonian lan egiten duten; horren parte izatea izan da gehien motibatu nauena" — EZOT ikasle baten lekukotza.

Ikasleen lekukotzak Ikasleek antolakuntza eta etengabeko laguntza nabarmendu dituzte: "Praktiken antolaketa egokia izan da. Hasieratik nire ardurei buruzko orientazio argia jaso nuen eta beti izan dut tutorearen eta lantaldearen babesa". Beste batzuentzat, esperientzia hau "nire prestakuntzarako oso baliotsua izan da, ez bakarrik teknika eta prozedurak ikasteko, baita pazienteekin harremana eta talde-lana nola kudeatu ikasteko ere".

Kirurgia zerbitzua izan da gehien disfrutatu duten guneetako bat: "Sentsazioa dut operazio-gelan pertsona guztiek sintonian lan egin behar dutela dena ondo atera dadin, eta engranaje horren parte izatea da gehien gustatu eta motibatu nauena". Atal honetan, eskerrak eman nahi dizkiete Josune, Sol, Ave eta Unai profesionalei.

Era berean, ikasleek ikuspegi eraikitzailea eman dute humanizazioaren garrantziari buruz, pazienteari tratu hurbila ematea funtsezkoa dela azpimarratuz. Ikaskuntza prozesu honetan, Tamara, Iñaki, Laura, Marian eta Jon langileen lana ere nabarmendu dute.