Babesle gisa parte hartuko dugu Euskadi Minbiziaren aurka IV. Kongresuan, pazienteei eta haien senideei zuzendutako topaketan

Kongresua datorren urriaren 16an egingo da, Donostiako Kursaal Biltzar Jauregian. «Pazientea eragile eraldatzaile gisa» izango da jardunaldiaren ardatz nagusia. Minbizia duten pertsonen zeregin aktiboan jarriko du arreta, eta pazientearen humanizazioarekiko Elkarteak duen konpromisoari erantzungo dio. Programak pazientearen eta haren ingurukoen esperientzian eragina duten hainbat esparru landuko ditu, tailerren eta parte hartzeko guneen bidez.

Jardunaldia ohiko inaugurazio-ekitaldiarekin hasiko da, eta, ondoren, mahai-inguru bat egingo da, erakundeetako ordezkarien eta pazienteen arteko elkarrizketarekin. Goizean zehar, kongresuak parte-hartze aktiboko 8 tailerren hiru txanda izango ditu, baita «Lotzen gaituzten sareak» topagunea ere. Bertan, bertaratutakoek elkartrukerako, elkarrekin eraikitzeko eta partekatutako eraldaketarako esperientzia batean parte hartu ahal izango dute. Horrela, kongresu berritzaile, parte-hartzaile eta berezia izango da. Eguna amaitzeko, itxiera-ekitaldia egingo da, eta bertan kongresuan ateratako ondorio nagusiak partekatuko dira, baita paziente baten hitzaldia ere.

Euskadiko Minbiziaren Aurka elkarteak kongresuan parte hartzera gonbidatu nahi ditu minbizia gertutik bizi izan duten edo bizitzen ari diren pertsona guztiak, haien senide eta lagunak, profesionalak eta, oro har, herritarrak. Izan ere, bizipen bakoitzak du garrantzia, eta ahots bakoitzak irtenbide bat ekar dezake. Entzuten dugunean, elkarri laguntzen diogunean eta elkarrekin eraikitzen dugunean, errealitatea eraldatzeko gai gara.