"Bokazio eta giza kalitate handiko profesional-talde bat aurkitzea funtsezko zutabea izan da guretzat"

Jarraian, 2. solairuan ospitaleratuta egon den paziente baten senideek helarazi diguten esker-mezua partekatzen dugu. Zorionak talde osoari, hau posible egiteagatik.

Mediku, erizain, erizaintzako laguntzaile, administrari, zelatari eta garbiketako langile agurgarriok:

Tobias familiaren izenean zuzentzen gatzaizkizue guztioi.

Bihotz-bihotzez eta esker onik sakonena adierazi nahi dizuegu gure senideari egonaldi osoan zehar eskaini dizkiozuen arretagatik, zaintzagatik eta errespetuagatik. Familia batentzat hain une zail eta ziurgabeetan, bokazio eta giza kalitate handiko profesional-talde bat aurkitzea funtsezko zutabea izan da guretzat.

Ez dugu soilik zuen profesionaltasun mediko ezin hobea baloratzen, baita aldea markatzen duten eguneroko keinu txiki horiek ere: une zailetan izandako pazientzia, txanda-aldaketa bakoitzean emandako animo-hitzak, haren bilakaeraren berri ematerakoan erakutsitako enpatia eta gure senidea egunerokoan artatzerakoan erakutsitako maitasuna. Babestuta eta seguru sentiarazi gintuzten, ahalik eta esku onenetan zegoela jakinda.

Justiziazkoa da egiten duzuen lan izugarria publikoki aitortzea. Mesedez, helarazi gure esker ona solairu honetako taldeko kide diren pertsona guztiei; izan ere, zuetako bakoitzak bere ekarpena egin du prozesu hau askoz eramangarriagoa izan dadin.

Onena opa dizuegu zuen lanbide baliotsuan. Ez dugu inoiz ahaztuko jaso dugun tratua.

Maitasun eta esker onez,

Tobias familia