Asuncion Klinikak lau komunikazio aurkeztu ditu Espainiako Asistentzia Kalitatearen Elkartearen (SECA) XLI. Kongresuan

Komunikazioetako bat Iraunkortasuna eta Ingurumena arloko sei onenen artean hautatua izan da

Asuncion Klinikak parte hartu du Espainiako Asistentzia Kalitatearen Elkartearen (SECA) XLI. Kongresuan, estatuko erreferente nagusietako batean, osasun-kudeaketa eta etengabeko hobekuntza arloan.

Gure erakundearen ordezkaritzan, Moisés Espejo doktorea, Zuzendari Medikoa, eta Aintzane Pérez Urkia, Erizaintzako Zuzendaria, izan ziren, eta lau komunikazio aurkeztu zituzten, kalitate asistentzialaren hobekuntzan oinarrituak, berrikuntza, iraunkortasuna eta maila asistentzialen arteko koordinazioa ardatz hartuta.

Lanek honako gai hauek jorratu zituzten:

• Tresna digitalen integrazioa, prozesuak bizkortu eta kudeaketa klinikoa optimizatzeko.

• Pazienteen esperientzia, adimen artifiziala beren arreta-prozesuan txertatzearen aurrean.

• Asistentzia-jarraitutasuna eta tratamenduen kontziliazioa, Lehen Mailako Arretarekin lankidetzan.

• Ingurumen-ziurtagiri batzuen desegokitasuna ospitale-ingurunera aplikatzean; komunikazio hau, gainera, Iraunkortasuna eta Ingurumena arloko sei onenen artean hautatua izan da.

  
  

Kongresu honetan parte hartzeak berresten du Asuncion Klinikaren konpromisoa kalitatearekin, berrikuntzarekin eta etengabeko hobekuntzarekin, eta bultzatzen du ezagutza-trukea estatuko beste erakunde sanitarioekin