Giza Baliabideen Saileko Patxi Izaguirrek, saskietako bat jaso zuen lehiaketako irabazlea izateagatik, eta Ainhoa Escuderok, Anatomia patologikoko teknikari espezialista, bigarren saskia irabazi zuen zozketa bidez.
Joan den abenduaren 3an ospatu zen Euskararen Nazioarteko Eguna dela eta Euskara Batzordeak antolatutako Euskara eta Euskal Kultura Lehiaketaren lehen edizioan 129 lagunek hartu zuten parte, eta horien artean bi saski jokatzen ziren. Bat erantzun gehien asmatzen dituenarentzat, eta bigarrena zozketa bidez. Saridunak Patxi Izagirre izan ziren, puntuaziorik onena lortu zuena, eta bestea Ainhoa Escudero.
Enpresak euskal hizkuntza eta kulturarekin zuen konpromisoa nabarmentzeko ez ezik, tokiko merkataritza eta KM0 bultzatzeko aukera ere izan zen lehiaketa, saskiak Abaltzisketako Ostatua eta Dendak egin baitzituen.